اسعار غسالة اطباق وايت بوينت 2023 و آراء الناس فيها
شركة وايت بوينت التابعة لمجموعة العبد من الشركات الرائدة في انتاج وتصنيع الأجهزة المنزلية والكهربائية. وتعمل شركة وايت بوينت منذ تأسيسها في عام 1981 ثم استطاعت ان تحظي بثقة وشهرة واسعة في مصر خلال السنوات القليلة الماضية لما تتميز به من جودة منتجاتها وتنوع تصميماتها باستخدام احدث وسائل التكنولوجيا المتطورة في تصنيع منتجاتها.
وتعتبر غسالة الاطباق وايت بوينت من العلامات التجارية التي اكتسبت شهرة بين العديد من العلامات التجارية الاخري في السوق المصري. وتتوفر غسالات الاطباق وايت بوينت بأحجام 6 و 10 و 12 و13 و 14 فرد وبعدد برامج تختلف حسب حجم كل نوع.
وفيما يلي سوف نستعرض أهم مميزات وعيوب غسالة الاطباق وايت بوينت واسعار ومواصفات كل نوع.
آراء وتجارب المستخدمين السابقين مع غسالة الاطباق وايت بوينت
غسالة اطباق وايت بوينت بجد حماله اسيه و غساله هايله. وكمان الضمان بتاعها محترمين اوي بكلمهم بيجو تاني يوم علي طول.
عندي 6 افراد معايا حلوه جدا ومنجزه بتاخد حله مثلا وطاسه علي اربع طباق وكام كوبايه ومعالق التقديم يعني بتاخد معايا حاجه الغدا كامله لاننا فردين ،، لو عندي عزومه بحط فيها اطباق وكوبايات بس فبتاخد معايا عدد كيير وبغسل الحلل علي ايدي او لو ماليش مزاج ممكن اشغلها بليل تاني علي الحلل.
عندي غسالة اطباق وايت بوينت 6 افراد الصغيرة ممتازة ليها عندى ست سنين بس السنون ظهر فيها صدا كلمتهم قالولى احنا بطلنا نصنع زيها
غسالة اطباق وايت بوينت ما شاء الله عليها غسالة جميلة عندي من سنه وبتنطف جدا.
غسالة اطباق وايت بوينت 14 فرد عندى بقالها سنتين اهى ماشاء الله. ملحوظه : عمرى ما استعملت اقراص من اى نوع لانى بشوفها غاليه اوڤر بجيب المجموعه الملح والمسحوق والملمع مع بعض الملح بيقعد 6 شهور ولا حاجه الكيلو والمسحوق والملمع ممكن يقعدوا اكتر من شهر وبستخدم الغساله تقريباً كل يوم.
غسالة اطباق وايت بوينت 10 افراد ربنا يبارك فيها الاطباق طالعة ما شاءالله زى الفل نص قرص لودفيك الحلل الجرانيت والسيراميك انا بحطهم على جنبهم مش مكفيين علشان ميتجرحوش لكن لو جواهم حلة استانلس بكفيهم عادى علشان الاستانلس حاميهم.
غساله اطباق وايت بوينت 13 فرد بجد الله يباركلي فيها جبتها من اسبوع واللهم بارك نظافه وتعقيم بأقل مسحوق وأقل برنامج 30 دقيقه وسعرها اقتصادي جدا اناماكنتش مقتنعه بوجود الغساله اصلا بس بجد فاتني كتير أوي وبشجع علي وجودها بجد تحفه الحمد لله على النعم التي لا تعد ولا تحصى ودي نعمه والله وايت بوينت احسن غساله.
عندي غسالة وايت بوينت 13 فرد سنونها بتتني فوق وتحت وليها رشاشين و رفين فقط.
نصيحة أفضل برنامج لوايت پوينت هو Super 50. انا كنت بستخدم برنامج النص ساعة على طول لحد ما جربت برنامج السوبرولقيت انه أفضل برنامج وفعلًا الحمدلله فرق معايا جدًا.
تجربتي مع غسالة اطباق وايت بوينت انا اول ما جبتها شلت منها شبكه المعالق والجوانب ع حسيت انها هتاخد مكان وبقيت احط المعالق في ارضيه الشبكه كده ويعتبر غاسله فيها كل حاجه ميلامين واركوبال وصيني والمدهب مش بيروح ولا حاجه وجيرانيت وتيفال وبلاستيك واستالس كل حاجه الا الالومنيوم طبعا والنتيجة كانت ممتازة.
كانت شغالة كويس لكن انا عندي مشكله حاليا انها بتطلع المواعين فيها زي تراب اسود بسيط.
غسالة اطباق وايت بوينت ما شاء الله عليها ا بس بلاش تغسلي البلاستيك العادي ده عشان السخونيه بتغير من البلاستيك وده مضر للاكل فيه بعد كده.
انا عندي غسالة اطباق وايت بوينت ف الاول كنت بحط نص قرص فانيش 3×1 و المواعين كانت بتخرج نضيفة جدا بعد شهر مابقتش تنضف كويس غير أما احط قرص كامل.
لسه جايباها هي الحاجة بتنظف بس احيانا الاطباق الزجاج بتكون مجيرة شوية وباستعمل فينش مسحوق وزيت مش بيلمعوا كدة مع انه الاطباق قديمة اه بس نوعيتها كويسة.
هي حلوه بس الصيانه متعبه اووووي يندموكي علي انك اتعملتي معاهم ومعندهمش قطع غيار.
غسالة اطباق وايت بوينت كويسه بس بلاش تغسلى فيها الحلل الجرانيت لانها للاسف اتجرحت عندى من الغساله.
عندي وايت بوينت 13 فرد هيا جميله اوووي بس بعد ما بغسل المواعين الاول وبعدين احطها علي فكره هي بتوفر وقت وليس جهد.
