شركة زانوسي ( نسبة الي مؤسسها انطونيو زانوسي ) هي شركة ايطالية تعمل في انتاج وتصنيع الأجهزة المنزلية والكهربائية منذ عام 1916. وتقوم شركة زانوسي بتصدير منتجاتها الي العديد من دول العالم ومصر الشرق الأوسط .وتمتلك العديد من منافذ التوزيع ومراكز الصيانه في جميع محافظات مصر.
وتعتبر غسالة الأطباق زانوسي من العلامات التجارية المشهورة داخل مصر والتي حازت علي ثقة العديد من المستخدمين خلال السنوات الماضيه وتنتج شركة زانوسي غسالة الاطباق بأحجام 13 و 15 فرد بعدد برامج 5 و6 برامج ومواصفات تختلف حسب كل نوع.
وفيما يلي سوف نستعرض أهم مميزات وعيوب غسالة الاطباق زانوسي وايضا مواصفات واسعار كل نوع حسب آخر تحديث لاسعار المتاجر.
تحتوي علي تقنية Air Dry : تتميز غسالة الأطباق زانوسي باحتوائها علي تقنية Air Dry التي تسمح بتدفق الهواء عند آخر مرحلة من برنامج التجفيف بواسطة فتح باب الغسالة اتوماتيكيا حتي 10 سم ليسمح بتدفق الهواء لتجفيف الاطباق حتي تكون نظيفة وجافة.
توفر في استهلاك المياه : حيث تتميز باحتوائها علي مستشعر للمياه لتحديد مستوي اتساخ الاطباق وضبط كمية المياه حسب الاتساخ.
مؤشر نقص الملح : حيث تحتوي علي مؤشر للتنبيه في حالة نقصان الملح ومادة الشطف للمساعدة في الغسيل.
مزودة ببرنامج نصف الحمولة : مزودة ببرنامج نصف الحمولة للسماح بتشغيل الغسالة بنصف حمولتها عند الحاجه للتوفير في استهلاك المياه والكهرباء.
خاصية تأخير بدء التشغيل : حيث تعمل هذه الخاصية علي تأخير بدء تشغيل الغسالة لمدة تصل حتي 24 ساعة لتمكنك من اختيار الوقت المناسب لتقوم الغسالة بدورة الغسيل تلقائيا.
تحتوي علي 5 برامج غسيل أساسية : حيث تحتوي غسالة الأطباق زانوسي علي 5 برامج غسيل وهي:
برنامج الغسيل السريع : حيث يمكن من خلاله غسيل الاطباق قليلة الاتساخ والاطباق الزجاجيه والكبايات خلال 30 دقيقة فقط عند درجة حرارة 60 درجة.
برنامج الغسيل المكثف: ويتم من خلاله غسيل الاطباق والأواني شديدة الاتساخ عند درجة حرارة 70 درجة لمدة 89 دقيقة.
برنامج الغسيل الاقتصادي : ويتم من خلاله غسيل الاطباق متوسطة الإتساخ عند درجة حرارة 50 درجة خلال 210 دقيقة للتوفير في استهلاك المياه والكهرباء.
برنامج الغسيل التلقائي : ويتم من خلالة تحديد مدي اتساخ الأواني تلقائيا واختيار طريقة الغسيل المناسبه عند درجة حرارة تتراوح من 45 حتي 70 درجة لمدة 120 دقيقة.
برنامج الشطف البارد : ويكون بعد انتهاء الغسيل ويتم فيه شطف الأواني والاطباق بالماء البارد لمدة 12 دقيقة
عيوبغسالة اطباق زانوسى
تتوفر غسالة زانوسي بأحجام 13 و 15 فرد فقط وغير متوفرة بالاحجام الأقل.
فئة استهلاك الطاقة الكهربية E لذا في غير موفره في الطاقة.
يبحث الكثير من ربات البيوت قبل شراء غسالة الاطباق زانوسي عن آراء وتجارب المستخدمين السابقين لمعرفة الكثير عن مميزات وعيوب الغسالة وأهم المشاكل التي واجهتهم اثناء الاستخدام.
وقام فريق عمل الموقع باستطلاع بعض آراء وتقييمات المستخدمين السابقين لغسالة الاطباق زانوسي وحازت الغسالة علي تقييم مرتفع باستثناء بعض المستخدمين اللذين لهم تجارب غير جيدة مع خدمة العملاء.
ما شاء الله جميلة جدا هي بتزود برنامج النص ساعة ربع ساعة كمان ودي ميزة مش عيب عشان تنضف احسن وغير كده فيها سينسور لقياس حجم الاتساخ وعلي اساسه البرنامج ممكن يزيد وقته أو يقل وبعد ما بتخلص بتفتح الباب لوحدها البخار بيطلع والحاجة تنشف ولما الوقت اللي عالشاشة يخلص بتفصل كهربا اوتوماتيك ما شاء الله حلوة وناس كتير عندهم وقليل اللي اشتكي وسحبها في الكهربا قليل مش كتير ممكن الكهربا عندك مش مظبوطة أو فعلا فيها عيب وحقك تستبدليها
عندي زانوسي لكن لما بشغلها بتزود الوقت قالولنا عيب كارتة ورفضوا برضو الاستبدال والصيانة مجاتش وطلع العيب فى الاخر انها كانت عالية عن الصرف كنت حطاها على الرخامة لازم تنزل ع الارض وضهرها للصرف.
عندي غسالة اطباق زانوسي كويسه وبتنضف بقالها 3 سنين او اكتر والحمدلله ما احتاجتش صيانه ومبغسلش خضار اخاف عليها الصراحه.
عندي غسالة اطباق زانوسي 13 فرد عجباني ومقدرش استغني عنها لظروف شغلي وبالنسبة للنظافة لو حاجة اتحطت فيها ولازق فيها بواقي اكل بطلعها اعيد عليها لان هي مش بتغسل بسلك هي مجرد رشاشات وحتي لما بعيد ع حلة والا معلقة مش بتكون متعبة لان الماية السخنة بتكون سهلت علي المسألة دي حبيبتي ماستغناش عنها ابدا.
عندي زانوسي لكن انصح البكرة مش الديجيتال هي كويسة جدا بس ابعدي ان الديجيتال لان قطع غيارها صعبه.
انا حظى فيها وحش جدا جبتها بايظه من اول شهر والشركه ماعبرتنيش ولا وافقوا يغيروها وتحسى أنها مخرفه مرة تغسل كويس ومرة ل بس ده مش مقياس فيه ناس بتشكر فيها لان كل الماركات فيها عيوب.
عندي 13 فرد كويسه بس علي برنامج 65 أو 70 درجة غير كده مش بتنضف كويس.
عندي غسالة اطباق زانوسي بقلها خمس سنين وماشاء الله عليها زي الفل.
غسالة حلوة جداً ما شاء الله ، بس لو ناوية تغسلي اي حاجه فيها ع البارد يعني حرارة اقل من 45 يبقى لأ لأن مفيهاش برنامج بحرارة اقل من كدا ،، للناس الي بتحب تغسل الخضار في الغسالة و كدة.
انا عندى زانوسى االبكره 13 فرد وما شاء الله جميله جدا.
باستخدم غسالة اطباق زانوسي من سنتين انا كنت بستخدم اقراص فانيش كان الاطباق حلوة جدا لكن اما استخدمت مسحوق فانيش حاسة الاطباق مش بتلمع زى الاول مع انى حاطه ملح و زيت وكلو تمام.
